السلام عليكم ♥
و دخلت السنه الجديدة و كلنا نخطط لبداية اجمل و كلنا نبي نعرف كيف تكونين سعيدة و تكون حياتك اجمل و افضل من اللي قبلها
اول شي يتحكم بسعادتك هو ثقتك بنفسك و انك تحبين نفسك و تتقبلينها زي ما هي
صدقيني مهما حاولتي انك تكونين واثقة بنفسك و انتي ثقتك عدم مستحيل توصلين للسعادة التامة
اهم شي تتصالحين مع نفسك تتقبلين كل الاشياء اللي ماتحبينها بنفسك و تركزين على الاشياء الجميلة فيك و لا تفكرين ان ما فيه اي شي جميل فيك لان مستحيل يكون فيه اي احد فيه هذا الكون ما فيه اي شي يميزة عن غيرة و حتى الاشياء اللي تشوفينها سلبيات فيك فيه غيرك يشوفها مميزات و لا تقارنين نفسك باي احد غيرك لانك انتي مميزة بالشكل اللي خلقك فيه ربك و مستحيل يكون اي احد بيرفيكت ما فيه اي سلبيات .
تخيلي ان فيه بنتين و حدة جميلة لكن دايم سلبية و تتشكى من نفسها و ما تحب نفسها و تعطيها حقها و بنت عادية لكن واثقة بنفسها و تنشر الايجابية وين ما تكون طبعا راح تجذبك ثقة الثانيه اكثر لان ما فيه احد يبي يكون مع احد سلبي و مو واثق من نفسه فانتي فكري بهذي الطريقة ، ابدا لا تقللين من قيمتك عند احد او تقارنين نفسك باحد لان انتي مو اقل من احد و لا احد اقل منك كلنا متساوين عند الله .
المفتاح الثاني للسعادة هو التفكير الايجابي ،اكذب عليك لو اقول ان حياتي خاليه من الاشياء اللي تخليني افكر بسلبيه لكن قد ما اقدر احاول اني ما اخلي هذي الاشياء تتحكم في حياتي .
احد قالك شي ضايقك لا تسمحين له يخرب المود حقك و فكري انه ما يستحق تضيعين وقتك عليه ،
انتي اللي تتحكمين بسعادتك .
لا تخلين اكبر همك شخص يبي يقهرك لان اولا هذا الشخص ما عنده شغله غير انه يتدخل في حياة الناس و ثانيا اكيد هذا الشخص غيران منك و يتمنى انه يكون مثلك .
الايجابيه هو مهما ما يكون ما تعطين الاشياء اكبر من حجمها و تكونين سعيدة بنفسك و سعيدة بحياتك و تفكرين انك كل شي يحصل لسبب .
ربي ما خلقك عشان تضيعين حياتك انك تحاولين تكونين احد غيرك .
و علاقتك مع ربك كيف ؟
مستحيل تكونين سعيدة و انتي تاخرين صلواتك و تهجرين القرآن
هذي السنة خلي واحد من اهدافك انك قد ما تقدرين ما تاخرين صلاتك و تقرين نص صفحة من القرآن كل يوم عشان ما تكونين من اللي يهجرون القرآن و تقرين وردك اليومي عشان ربي يحفظك من كل شر ان شاء الله .
فكري ايش الاشياء اللي كنتي تبين تسوينها هذي السنة و ما سويتيها او تطمحين انك تكونين افضل فيها ؟
القراءة لازم تكون لها مساحة من اهدافك هذي السنة لانها جدا مفيدة لعقلك و تطور نفسك و طريقة تفكيرك .
هذي السنة واحد من اهدافي اني اقرأ اكبر عدد ممكن من الكتب و ان شاء الله اتوفق في هذا الشي =)
السنة هذي بالنسبة لي راح تكون سنة تغيير بإذن الله .
و خلصنا البوست لهذا اليوم =)
عام سعيد لكم جميعا و الله يعدي هذي السنة على خير
مستحيل تكونين سعيدة و انتي تاخرين صلواتك و تهجرين القرآن
هذي السنة خلي واحد من اهدافك انك قد ما تقدرين ما تاخرين صلاتك و تقرين نص صفحة من القرآن كل يوم عشان ما تكونين من اللي يهجرون القرآن و تقرين وردك اليومي عشان ربي يحفظك من كل شر ان شاء الله .
فكري ايش الاشياء اللي كنتي تبين تسوينها هذي السنة و ما سويتيها او تطمحين انك تكونين افضل فيها ؟
القراءة لازم تكون لها مساحة من اهدافك هذي السنة لانها جدا مفيدة لعقلك و تطور نفسك و طريقة تفكيرك .
هذي السنة واحد من اهدافي اني اقرأ اكبر عدد ممكن من الكتب و ان شاء الله اتوفق في هذا الشي =)
السنة هذي بالنسبة لي راح تكون سنة تغيير بإذن الله .
و خلصنا البوست لهذا اليوم =)
عام سعيد لكم جميعا و الله يعدي هذي السنة على خير
ليست هناك تعليقات:
إرسال تعليق